Senedd Cymru: Grŵp Trawsbleidiol – Effaith y Cyfyngiadau ar Gynhyrchion sy’n Uchel Mewn Braster, Siwgr a Halen ar Siopau Bach

Dydd Mawrth 13 Rhagfyr 2020, 12:30 – 13:30: Microsoft Teams (Ar-lein)

COFNODION

YN BRESENNOL:

Enw cyntaf	Cyfenw	Sefydliad	Cofnodion
Edward	Woodall	Cymdeithas Siopau Cyfleustra	EW
Daniel	Askew	Cymdeithas Siopau Cyfleustra	DA
David	Pickering	Safonau Masnach	DP
Neil	Millet	Jos Richardson & Co	NM
Robin	Lewis	Aelod o Staff Cymorth Vikki Howells	RL
Vince	Malone	Tenby Stores / Ffederasiwn Cenedlaethol Manwerthwyr Papurau Newydd (NFRN Cymru)	VM
Rosina	Robson	Ffederasiwn Cenedlaethol Gwallt a Harddwch	RR
Ruth	Buckley-Salmon	Ffederasiwn Cenedlaethol yr Is-bostfeistri	RBS
Ioan	Bellin	Aelod o Staff Cymorth Rhys ab Owen AS	IB
Jim	Winship	The British Sandwich & Food to Go Association	JW

Enw cyntaf	Cyfenw	Sefydliad
Peredur	Owen Griffiths	AS dros Ddwyrain De Cymru
Vikki	Howells	AS dros Gwm Cynon
Russell	George	AS dros Sir Drefaldwyn
Llyr	Gruffydd	AS dros Ogledd Cymru

YMDDIHEURIADAU:

1. Cyflwyniad

Croesawodd EW y rhai a oedd yn bresennol, gan hysbysu’r aelodau ynghylch y newidiadau a wnaed i agenda a fformat y digwyddiad yn sgil y ffaith nad oedd VH yn gallu bod yn bresennol oherwydd salwch.

Gofynnodd EW i RL am fanylion yr ymddiheuriadau a oedd wedi dod i law, ac aeth RL ati i restru'r ymddiheuriadau uchod.

2. Effaith y Cyfyngiadau ar Gynhyrchion sy’n Uchel Mewn Braster, Siwgr a Halen (HFSS) ar Siopau Bach

Drwy gyfrwng cyflwyniad, rhannodd EW wybodaeth â’r aelodau ynghylch y cyfyngiadau ar gynhyrchion HFSS sy’n destun ymgynghoriad gan Lywodraeth Cymru ar hyn o bryd, gan amlinellu’r gwahaniaethau allweddol o gymharu â'r rheoliadau HFSS sydd mewn grym yn Lloegr.

Siaradodd EW am sut y gallai cynigion Llywodraeth Cymru effeithio ar siopau bach yn sgil materion yn ymwneud â dehongli'r rheoliadau, a'r costau y bydd gofyn i fusnesau eu hysgwyddo er mwyn ailgynllunio ac ail-gyflunio eu siopau. Daeth EW â’r cyflwyniad i ben drwy amlinellu argymhellion ac ystyriaethau allweddol ar gyfer Llywodraeth Cymru.

3. Panel Manwerthwyr

Dechreuodd EW y sesiwn gyda’r panel manwerthwyr drwy gyflwyno NM a DP i’r aelodau.

Gofynnodd EW i NM am yr heriau allweddol y mae’n eu hwynebu wrth baratoi ar gyfer cyfyngiadau ar leoliadau cynhyrchion HFSS. Tynnodd NM sylw at y diffyg eglurder ynghylch dehongli'r cyfyngiadau ar leoliadau cynhyrchion fel mater allweddol, ynghyd â’r amser sylweddol sy’n cael ei dreulio wrth baratoi ar gyfer y cyfyngiadau hynny.

Trodd EW at DP, gan ofyn iddo sôn am brofiadau Safonau Masnach o safbwynt gorfodi’r rheoliadau yn Lloegr.  Amlinellodd DP rai o'r heriau allweddol y mae Safonau Masnach wedi'u hwynebu wrth orfodi'r rheoliadau, gan gynnwys diffyg cyfathrebu clir ynghylch y polisi gan y Llywodraeth mewn perthynas â’r busnesau y mae’r rheoliadau yn effeithio arnynt, a diffyg eglurder ynghylch y diffiniadau o leoliadau ac ymgyrchoedd hyrwyddo sy’n seiliedig ar faint.

Trodd VM at NM, gan ofyn iddo sôn am ei ganfyddiadau ynghylch y broses o baratoi ar gyfer y rheoliadau HFSS. Soniodd NM am faterion sy’n ymwneud â negeseuon anghyson ynghylch gweithredu’r polisi.

Gofynnodd EW i DP ac NM am eu geiriau olaf o gyngor i Lywodraeth Cymru. Cytunodd y ddau ohonynt fod angen cyfathrebu am y polisi mewn ffordd glir, a bod angen aliniad cyson â’r rheoliadau yn Lloegr.

4. Diwedd

Rhoddodd EW grynodeb o’r cyfarfod a diolchodd i bawb am fod yn bresennol.